Seinastu tíðina hava smáskaðar darvað fleiri av spælarunum, og trupult er at mannað liðið. Tískil hava formaðurin Ingi Hansen og venjarin Sorin Anghel gjørt av, at Sorin í dag verður partur av start 11, tá dysturin í dag verður bríkslaður í gongd kl. 14.15.
Á síðulinjuni verður tað so formaðurin Ingi Hansen sum fer at stýra liðnum saman við hjálparvenjaranum Boga Gregersen.
Sorin er navnframur áleypari, og hevur leikt mong ár fyri EB/Streym, umframt Víking og AB. Vit gleða okkum til at síggja Sorin í orange, og vænta okkum flott álopsspæl og nógv mál!