Símun Eliasen kemur at standa á odda fyri felagsliðnum 2021
Símum hevur sum leikari spælt í bestu fótbóltsdeildini í fleiri ár, og millum annað var hann við til at vinna steypakappingina við EB/Streymi í 2007.
Út yvir royndirnar sum fótbóltsleikari, so hevur Símun tikið UEFA A-licens. Símun hevur drúgvar royndir sum venjari, og úr rúgvuni kann nevnast, at hann í tvey ár stóð á odda fyri besta mansliðnum hjá ÍF, og eisini hevur hann staðið á odda fyri 1. Deild hjá HB í fleiri umførum. Seinast var Símun hjálparvenjari hjá A-landsliðnum hjá kvinnum.
Komandi árið skal Símun saman við Óla, Sunnuvá og Per standa á odda fyri at menna eitt sera ungt og spennandi lið í Betri deildini hjá kvinnum. Ungdómsliðini í feløgunum hava farna kappingarár staðið seg sera væl og vóna vit, at tilgongdin av Símuni eisini kemur at síggjast aftur í yngru deildunum hjá feløgunum.
Vit ynskja Símuni bestu eydnu við komandi avbjóðingunum og gleða okkum til eitt sera spennandi kappingarár!