Hóskvøldið 17. oktober hevði Skála Ítróttarfelag nevndarval.

Í starvsnevndini sita í minsta lagið fýra og í mesta lagið seks limir.
Eftir nevndarvalið kundi staðfestast, at nýggj starvsnevnd er mannað við fimm limum og einum tiltakslimi.
Fundurin gav starvsnevndini heimild at seta ein nevndarlim afturat, soleiðis at hon gerst fullmannað.

Síðani nevndarvalið er Rói Dahl Olsen blivin ein partur av starvsnevndini.

Vit ynskja Róa hjartaliga vælkomnum í nevndina.

Nýggja nevndin hevur skipað seg soleiðis:

Jóannes A. Prestá, formaður
Jóna E. Zachariassen, næstforkvinna
Rókur V. Nilssen, nevndarlimur
Sveinur Ellefsen, nevndarlimur
Jakob Lind Jakobsen, nevndarlimur
Rói Dahl Olsen, nevndarlimur
Eyvindur Jacobsen, tiltakslimur

Umsjónarøkir
Harnæst hevur nevndin skipað seg við fylgjandi umsjónarøkjum:

Umboðan og fyrisiting: Jóannes A. Prestá
Fíggjarviðurskifti: Jakob Lind Jakobsen
Fótbóltur vaksin: Sveinur Ellefsen
Fótbóltur ung: Jóna E. Zachariassen
Samskifti: Rói Dahl Olsen
Stuðlar og tiltøk: Rókur V. Nilssen

Ungdómsnevnd
Fundurin gav nýggju starvsnevndini heimild at seta eina ungdómsnevnd. Hon bleiv ikki mannað á fundinum. Ungdómsnevndin skal í samráð við starvsnevndina skipa og tilrættisleggja ungdómsarbeiði felagsins.

Saman gera vit mun
Felagið eigur nógvar ídnar stuðlar og nýggja nevndin vónar at enn fleiri hendur vilja verða við at stuðla arbeiðinum eftir teirra førimuni. Tað eru vit øll í nærumhvørvinum, ið saman gera ein mun og flyta felagið framá.

Vit takka farandi starvsnevndarlimum og ungdómsnevndini stórliga fyri teirra stóra arbeiði!