Í gjárkvøldið átti málrevurin í 2. deild, Jóhan B. Johansen, síðsta orðið í dystinum, tá hann smekkaði bóltin í meskarnar til 4-4 í evstu løtu! Stemningurin var sera góður til dystin, har tað serliga var ein herur av ungum Skálafjepparum, ið áhaldandi sungu og róptu á okkara menn. Tit vóru fantastisk ???? Vit hava spurt liðskiparan, Pætur Dam Jacobsen, hvønn mun fjeppararnir gjørdu: “Tað gjørdi heilt sikkurt ein stóran mun. Tað var fantastiskt at hoyra teir rópa uppmuntrandi á okkum, sjálvt um tað var 0-2 til ÍF. Tað er heilt sikkurt, at tað vóru teir, sum fingu okkum til ikki at falla í fátt tá, men heldur at stríðast enn meir???? Nú vóna vit bara at hoyra og síggja teir aftur Sunnudagin????” Sunnudagin spælir Skála á útivølli við Løkin í Runavík, og vóna vit at síggja og hoyra tykkum aftur tá! ???? Koyr á Skála! Mynd: Sverri Egholm