Í starvsnevndini sita í minsta lagið 4 og í mesta lagið 6 limir. Uppgávan hjá starvsnevndini er at seta samtyktir aðalfundanna í verk, at standa fyri rakstrinum av felagnum og at gera reglugerð ella arbeiðsætlan fyri aðrar nevndir.

Eftir eyka aðalfundin kundi staðfestast, at nýggj starvsnevnd kundi mannast við 6 limum.

Nevndin skipað seg

Nýggja starvsnevndin hevur nú skipað seg soleiðis:

• Jóannes A. Prestá, formaður
• Jógvan Andersen, næstformaður
• Rókur V. Nilssen, kassameistari
• Steingrím Jacobsen, skrivari
• Petur Anker Poulsen, nevndarlimur
• Sveinur Ellefsen, nevndarlimur

Umsjónarøkir

Harnæst hevur nevndin skipað seg við fylgjandi umsjónarøkjum:

• Umboðan og fyrisiting: Jóannes A. Prestá
• Fíggjarviðurskifti: Rókur V. Nilssen
• Samskifti: Jógvan Andersen
• Stuðlar og tiltøk: Steingrím Jacobsen
• Fótbóltur ung: Sveinur Ellefsen
• Fótbóltur vaksin: Petur Anker Poulsen

Ungdómsnevnd

Á eykaaðalfundinum fekk starvsnevndin heimild at mannað eina ungdómsnevnd, ið nú er mannað av fylgjandi limum:

• Drós Ellingsgaard
• Jóna Eivindsdóttir Zachariasen
• Poula Dulavík Berg

Ungdómsnevndin skipar seg í næstum við formanni, næstformanni og skrivara. Ungdómsnevndin skal í samráð við starvsnevndina skipa og tilrættisleggja ungdómsarbeiði felagsins.

Saman gera vit mun

Felagið eigur nógvar ídnar stuðlar og nýggja nevndin vónar at enn fleiri hendur vilja verða við at stuðla arbeiðinum eftir teirra førimuni. Tað eru vit øll í nærumhvørvinum, ið saman gera ein mun og flyta felagið framá.

Vit takka fráfarandi nevndini fyri teirra megnar arbeiði seinastu árini. Vónirnar eru góðar, nú lagt verður til brots í kappingarárinum hjá øllum deildum.