Aftur til tíðindasavn

Gull og steypið í hús

30 okt 2021

1. Deild menn hava í dag leikt ársins seinasta dyst vesturi á Eiðinum í Vági, har FC Suðuroy tók ímóti.

Talan bleiv um ein rímuliga rótutan dyst, har vit tó høvdu yvirvág í spæli. Sorin lat yngri kreftir sleppa framat, meðan nakrir av veteranunum byrjaðu á bonkinum. M.a. Julian Mikkelsen, Martin Johansen og Bjarti Thorleifsson vóru í startuppstillingini. Og teir ungu tóku av, og smæddust ikki burtur í dystinum.
Hóast yvirvág í spæli, tók tað eina løtu at fáa hol á. Men eftir eitt assist frá Dávid, setti Poul bóltin í kassan í 29. minutti.
Henda støða helt sær til hálvleiks, men í 71. minutti slegði Dávid sigurin fastan, tá tað eydnaðist honum at trilla bóltin framvið málmanninum og í mál.
Ervin Rasmussen fekk sínar fyrstu minuttir við besta liðnum, tá hann bleiv innskiftur seint í 2. hálvleiki.
Nú hugna menninir sær í VB húsinum, inntil leiðin gongur norð aftur við Smyrli kl. 18.30.
Vit takka somuleiðis FC Suðuroy fyri gestablídni!

Myndasavn

Skrivað: Annika Klein

Seinastu tíðindi

04. jan 2022

Felagið eisini gjørt sáttmálar við lokalar leikarar

02. jan 2022

Vukasin Tomic og Erland Tvørfoss á Skála komandi kappingarár.

01. jan 2022

Fløskuinn­savnan

31. des 2021

Jákup vendir heim aftur, og veteranar­nir taka eitt ár afturat