Kappingin hjá U19 var í Vilnius í Litava. Í hópinum hjá U19 vóru Anna Katrina Mikkelsen, Marita Lisberg og Sarita Petersen. Við sigrum móti Liktinstein og Litava endaðu Føroyar á øðrum plássi í bólkinum við seks stigum, bert aftanfyri Ísland, sum vann allar sínar dystir. Eitt framúr avrik.

U17 luttekur í hesum døgum í EM undankapping í Bulgaria. Mótstøðuliðini eru Kroatia og Bulgaria. Fyrsti dystur var leygardagin ímóti Kroatia. Føroysku genturnar arbeiddu hart allan dystin, sum tó endaði við teprum 1-0 sigri til kroatar, og einasta málið í dystinum kom ikki fyrr enn stutt fyri leiklok. Seinni dysturin hjá Føroyum er týsdagin móti vertstjóðini Bulgaria. Á U17 eru Jakobina Bergsdóttir, Natalia Dansdóttir Olsen, Sólja Ernstdóttir, Ingrið Berg Rasmussen, Katarina Berg Mikkelsen og Alda Petersen frá EBS/Skála. 

(myndir og kunning frá FSF)