Aftur til tíðindasavn

Dreingir U15 havt eitt gott kappingarár

24 okt 2022

Hanga hesir dreingirnir í, so hava vit nógv gott í væntu á Skála.

Til kappingina í ár meldaðu vit tvey U15 lið til í kappingini hjá D15. Ætlanin var at hava annað liðið í A-bólkinum frá kappingarbyrjan, men boðini frá FSF vóru at tað var ikki gjørligt at melda til A-bólkin, tí liðini frá í fjør vóru sjálvskrivaði í bólkinum. So var ikki annað at gera enn at leggja út við tveimum liðum í B-bólkinum, og so spæla seg til uppflyting, sum eisini eydnaðist.
So í endaumfarinum, fingu vit loksins eitt lið í A-bólkin. Og tað vísti seg at vit kundu saktans spæla við har. Nú kappingarárið er runnið, og stigatalvan gjørd upp, so standa vit við bronsuheiðursmerkjum um hálsin.
Harumframt eydnaðist eisini at leika seg til hálvfinaluna í steypakappingini, har vit møttu greipuvinnarunum úr HB, sum tað ikki eydnaðist at vinna á.
Eisini eru 4 av dreingjunum fastir fúsir á ungdómslandsliðum hjá FSF. Josva, Aron og Pauli hava verið við U17, meðan Jeffrey er á U15 landsliðnum.
Hitt U15 liðið hevur alt kappingarárið leikt í B-bólkinum, og hevur klára seg fínt. Samanlagt hava dreingirnir fingið nógvar dystir í beinini, umframt at Per Mikkelsen hevur drivið á við venjing, saman við Fróða Benjaminsen.
Hanga hesir dreingirnir í, so hava vit nógv gott í væntu á Skála.

Skrivað: Annika Klein

Seinastu tíðindi

01. feb 2023

Ársaðalfundur 2023

13. des 2022

Kristian Martin og Ari eru klárir til komandi kappingarár

10. des 2022

Brøðurnir Johansen eru við

07. des 2022

Karstin Hansen kemur yvir um fjørð!