Leingi gekk javnt á, og hóast hoyvíksgenturnar nokk áttu yvirvágina í spæli, so stóðu okkara verjuskansar sera væl, og eisini vóru vit frammi og hóttu í hinari síðuni. FC Hoyvík kom framum, tá gott hálvur tími var spældur, men vit svaraðu aftur stutt eftir, tá Alda skoraði til 1-1. Hendan støða helt sær inn í 2. hálvleik, men so fingu hoyvíksgenturnar tvey mál uppá stutta tíð, og so var dysturin avgjørdur.
Skálagenturnar stríddust manniliga, og vit eru errin av tykkum! Somuleiðis ynskja vit FC Hoyvík til lukku við steypinum.