Skála Ítróttarfelag hevði aðalfund fríggjakvøldið 4. mars. Eftir fundin hevur nevndin skipað seg.
At nevndarlimir velja at halda áfram í nevnd í fleiri ár, er gull vert fyri eitt hvørt ítróttarfelag. Ikki minst innan fótbóltin, vísir tað seg at vera strævið arbeiðið at sita í nevnd. Tí kunnu vit ikki annað enn fegnast, at sama nevnd nú situr á triðja árið.
Øll nevndin tók nevniliga við afturvalið eftir seinasta aðalfund.
Nevndin hevur skipað seg við Inga Hansen sum formanni, Malene Egeberg Jacobsen sum næstformanni/kassameistara og Anniku Klein sum skrivara. Hini í nevndini eru Teitur R. Joensen, Drós R. Joensen og Bogi Kallsberg.
Seinastu tíðindi
08. mar 2024
Aron Benjaminsen til norskan fótbólt
07. feb 2024
Aðalfundur felagsins
26. jan 2024
Sveinur Ellefsen høvuðsvenjari hjá kvinnum
23. des 2023