Hósdagin 27. februar kl.19.00 verður ársaðalfundurin hjá Skála Ítróttarfelag

Aðalfundurin er hægsti myndugleiki felagsins og verður hildin í fyrsta ársfjórðingi.

Aðalfundurin skal lýsast alment minst 14 dagar frammanundan fundinum. Lógliga lýstur aðalfundur er altíð viðtøkuførur.

Mál til aðalfundin skulu vera starvsnevndini í hendi í seinasta lagi eina viku fyri fundin. Starvsnevndin leggur innkomin mál fram fyri aðalfundin.

Ársaðalfundurin hevur fylgjandi fundarskrá

• Fundarstjóri verður valdur
• Formaðurin greiður frá farna ári
• Grannskoðaður roknskapur verður framlagdur
• Innkomin mál
• Val av grannskoðara, sum í minsta lagi skal vera skrásettur
• Ásetan av limagjaldi
• Ymiskt

Fundurin verður í lítla sali í bygdahúsinum á Strondum.