Hósdagin 22. september kl. 17:30 verður stuðulsrenning á fótbóltsvøllinum á Skála til frama fyri barna- og ungdómsfótbóltin hjá Skála Ítróttarfelag.
Øll sum hava hug at stuðla, renna so langt sum tey orka í 30 min.
Hvør rennari samlar nakrar stuðlar, ið stuðla við eini upphædd pr. metur ella eini ásettari fastari upphædd, ið viðkomandi rennur.
Vinningar vera latnir til tey, ið renna longst og sum savna flest pening inn, í hesum trimum bólkunum:
U7-U11, U13-U16 og so øll tey eldru.
Somuleiðis verður trekt lut um vinningar millum øll ið renna, sum hava savnað stuðlar.
Aftaná renningina verður bjóðað til grýturætt og kaffi/køku í bygdasalinum í ítróttarhøllini.
Stuðulspappír eru útflýggjaði til leikarar, og eru at fáa í Skálahølinum í høllini og sum pdf á øllum foreldrabólkum á Facebook. Umframt hetta liggja tey í Skálanum, Effo á Strondum og Stranda Sentrum.